Осум загинати, а единаесет повредени во синоќешните руски напади врз Украина

Во руските напади врз Дњепропетровската област извршени синоќа загинаа осум лица, а најмалку единаесет се повредени.

Руските сили во текот на денот извршиле околу 30 напади врз три окрузи во регионот. Во Криви Рих загинаа две лица, а меѓу повредените има и деветмесечно бебе, додека еден маж е во критична состојба.

Во Синелниковскиот округ загинаа шест лица во неколку населени места, а повеќе лица се ранети. Напади беа регистрирани и во Никополскиот округ, каде се оштетени куќи, инфраструктура и возила, а повредени се и малолетници.

Украинските власти соопштија дека нападите започнале во вечерните часови и биле дел од поширока офанзива врз регионот.