„Работи за кои не зборуваме“ е насловот на претставата која во моментот се подготвува на малата сцена на Македонскиот народен театар, во режија на Нела Витошевиќ.
Содржински, претставата е сконцентрирана на личните приказни на актерите, но и на луѓето воопшто, што секој од нас се обидува да ги потисне и тешко ги открива. Актеркста екипа ја сочинуваат Драгана Костадиновска, Ивана Павлаковиќ, Сара Климоска, Исмет Шабановиќ и Никола Настоски. Сценографското решение е на Васил Христов – Вуси, а костимите ги изработи Розе Трајческа. Користена е музика од Крсте Роџевски, додека дизајнот на плакатот е на Борче Димитриовски.
Проектот е финансиран од Швајцарската амбасада во Република Македонија, со поддршка од Министерството за култура. Премиерата се очекува кон крајот на септември.