Група малолетници фрлале разни предмети кон угостителски објект во Скопје, сопственикот излегол и истепал едно дете
Во Скопје се расчистува инцидент во кој учествувале група малолетници и сопственик на угостителски објект во трговски центар на подрачјето на Центар.
Според пријавата во СВР Скопје, малолетниците околу 20:00 часот фрлале разни предмети кон објектот, по што сопственикот на локалот пријавил нарушување на мирот и штета врз неговиот имот.
Подоцна, околу 20:50 часот, дошло до физички инцидент, при што малолетен син на еден од учесниците бил нападнат од сопственикот на објектот, 53-годишен скопјанец.
Случајот бил пријавен во полиција околу 21:50 часот од страна на родител на малолетното лице. Од МВР информираат дека се преземаат мерки за целосно расчистување на настанот и утврдување на сите околности.
