„Мицкоски повторно прибегнува кон старата техника на мачкање очи. Кампњата е почната. Еден дел од кампањата е заострување на односите со Бугарија. Иако се уште не формирана владата во Бугарија, тој веќе изјави дека не очекува подобрување, туку заострување на односите“, велат од СДСМ.
Од опозициската партија велат дека вториот дел од кампањата е напад на СДСМ дека ја кочи реформската агенда со Изборниот законик.
„Мицкоски има апсолутно мнозинство во Собранието, што самиот повеќе пати го нагласи. Како што ја укина техничката влада, така може да спроведе сè останато. СДСМ за тоа не му е потребен. СДСМ му треба само како алиби зошто не ги исполнува условите за продолжување на преговорите и отворање на поглавјата за пристапување во ЕУ“, додаваат од СДСМ.
