Основниот суд Битола го прифатил обвинителниот акт против Борче Марковски за проневери при тендер за дислокација на погонските станици од рудникот „Осломеј” во рудниците на РЕК „Битола” за сума од над 1,7 милиони евра.
Во овој судски процес покрај Марковски ќе им се суди на петмина вработени од РЕК „Битола” и на двајца вработени во неговата фирма.
Според обвинението пред три години, обвинетите спровеле дислокација на погонските станици од рудникот ‘Осломеј’ во рудниците на РЕК ‘Битола’, со цел да се воспостави нов транспортен систем за рудата во РЕК, иако знаеле дека таквиот транспортен систем е спротивен на основниот проект и несоодветен за технолошкиот процес на ископ во рудниците на РЕК.
Марковски беше уапсен при крајот на минатата година, а пред еден месец затворскиот притвор му беше заменет со домашен.
