Загадување на воздухот и утрово е присутно на скопското подрачје, но во помал степен отколку што беше вчера и во изминативе денови. Скопје утрово околу 9 часот се најде на 20-то место по загаденост во светот, при што измерениот индекс на загадување е 117.
Специјализираната интернет страница Iqair.com која прибира податоци од целиот свет предупредува дека воздухот е „нездрав за чувствителни групи на население“. Најприсутни се штетните ПМ2,5 честички, со концентрација од 42 микрограми на кубен метар воздух.
Советот до граѓаните е да носат маски кога излегуваат надвор, да не прават физички активности надвор од домовите и да си ги држат затворени прозорци во своите живеалишта.
И интернет страницата waqi.info покажува прекумерно загадување и нездрав воздух за дишење. На мерното место во Ѓорче Петров индексот е 150, а што значи дека воздухот е незадрав за дишење. Во Гази Баба индексот е 121 што е нездраво за одредени групи на населението.
