Американскиот претседател Доналд Трамп пристигна во Пекинг во прва државна посета на Кина по речиси девет години, каде веќе се одржува клучна средба со Си Џинпинг зад затворени врати. Посетата се случува во сенка на војната со Иран, кога за првпат на американско – кинески средби прашањето за тајван не е најважното.
Најголемо внимание предизвика изјавата на Трамп дека е подготвен да разговара за продажбата на американско оружје на Тајван. „Ќе разговарам со Си, тој би сакал да не го правиме тоа, па ќе видиме“, изјави Трамп, отворајќи чувствително прашање.
Си Џинпинг веднаш возврати дека Тајван е „најважното прашање“ во односите меѓу двете земји. Предупреди дека погрешен пристап може да доведе до судир и сериозно влошување на односите меѓу Кина и САД.
