ДУИ како повторно да сонува влез во Владата или пак, како повторно да се нуди.
Синоќешната изјава на партискиот потпретседателот, Аријанит Хоџа дека „немало да влезат во Владата без политички договор” звучат иронично, особено што нема информација дека некој ги повикал.
Па оттаму оваа изјава повеќе звучи како политичка желба, отколку како реална опција. Оти по две години во опозиција, без суштинска промена и без реформи, ДУИ и натаму се однесува како да и е природно да има место во власта, а не како партија која ја изгуби довербата на гласачите.
Поразот на локалните избори беше јасна порака од граѓаните, но таа очигледно не беше разбрана.
А во меѓувреме, ДУИ додека сонува „власт” ги изгуби и дел од своите поранешни коалициони партнери, што дополнително ја разоткри ерозијата со која се соочува партијата на Ахмети.
