Движењето Европа сега, од каде доаѓа и новиот претседател Јаков Милатовиќ освои 26 отсто од гласовите, најмногу на вчерашните вонредни парламентарни избори во Црна Гора, покажуваат прелиминарните податоци на Центарот за демократска транзиција (ЦДТ).
Коалицијата „Заедно“ (ДПС-СД-ЛП-ДУА) освои 23 отсто, „За иднината на Црна Гора“ (НСД-ДНП) 15,1, коалицијата „Храбро се броји“ (Демократи-УРА) 13 отсто.
Бошњачката партија има 6,8 отсто.
Под цензусот се Социјалдемократската партија (СДП) со 2,9, СНП и Демос со 2,8 и Правда за свет со 2,7 отсто. Албанскиот форум има 1,7 отсто
Излезноста е 56,4 отсто
Лидерот на Движењето Европа сега (ПЕС) и носител на листата Милојко Спајиќ, синоќа изјави дека очекува што побрзо формирање на Влада.
-Ова сега е голема победа за Европа. Од статус на вонпарламентарна партија за една година станавме најголемата партија во Црна Гора и покрај сите притисоци. Постигнавме добар резултат и очекуваме што поскоро да се формира влада. Ќе разговараме со сите кои ги делат нашите вредности, рече Спајиќ.
На прашањето со кого нема да преговара, Спајиќ порача дека тоа е најавено уште од претходно, а се однесува на Демократската партија на социјалистите (ДПС) и Граѓанското движење (УРА).
