Кинеската армија соопшти дека американски воен брод илегално навлегол во кинеските територијални води поточно во водите на Јужното Кинеско Море. Бродот пловел во близина на спорните острови Парацелз.
– Нашите сили постојано ќе одржуваат високо ниво на подготвеност и ќе ги преземаат сите неопходни мерки за одлучно да ги зачуваат националниот суверенитет и безбедност, како и мирот и стабилноста во Јужното Кинеско Море, се наведува во соопштениeто на Јужната команда на кинеската армија.
Кинеската армија како што е наведено во соопштението го следела и протерала американскиот воен брод „Милиус“, што илегално влегол во водите околу Парацелските Острови.