Две лица се приведени од страна на полицијата во две одвоени акции поради поседување на дрога. МВР денеска соопшти дека вчера во 01.35 часот во Градскиот парк во Скопје од полициски службеници од СВР Скопје е лишен од слобода 17-годишник од с.Волково, скопско, бидејќи кај него била пронајдена марихуана.
Претходно, во 00.45 часот во Градскиот парк во Скопје од полициски службеници од СВР Скопје е лишена од слобода С.М.(26) од Кочани, бидејќи кај неа биле пронајдени прашкаста и грутчеста материја, како и дигитална вага.
По документирање на случите, против нив ќе биде поднесен соодветен поднесок. Градскиот парк, познато е, е една од локациите каде полицијата најчесто открива лица кои поседуваат дроги. Во овој период тоа е локација која е посетена од многу млади лица кои се цел на дилерите на дроги.
