Во Скопје се хоспитализирани 12 нови пациенти поради компликации од корона вирусот во изминатите 24 часа. Инаку во ковид-центрите во главниот град вкупно се лекуваат 249 лица пациенти, соопшти Министерството за здравство.
Во последното деноноќие на Инфективната клиника не е примен ниту еден нов пациент. На интерните клиники биле примени седум нови пациенти, а во ковид-центарот во ГОБ „8 Септември“ – пет нови пациенти.
Во изминатите 24 часа дома се пуштени шест оздравени пациенти.
-Бројот на приеми во изминативе денови е стабилен и утрово до 8 часот имало 100 слободни места, а се очекува во тек на денот по направените исписи на оздравените пациенти да се ослободат и дополнителни места, велат од ресорното министерство.
