При контрола во скопски локали пронајдена дрога, приведени седум лица

Единицата за недозволена трговија со дрога и Единицата за интервентна полиција при СВР Скопје во периодот од 23 часот на 8. април до 03.30 часот утрово извршиле контроли во повеќе угостителски објекти и прегледи на повеќе лица и патнички возила.

Како што информираат од МВР, кај 7 лица од Скопје биле пронајдени марихуана и кокаин.

Лицата биле лишени од слобода и по целосно документирање на случаите против нив ќе бидат поднесени соодветни пријави.