Утрово почна со повремени сончеви зраци во Скопје. Метеоролозите најавуваат дека за време на денот ќе биде променливо облачно со сончеви периоди, а попладне во делови од скопската котлина со услови за краткотраен пороен дожд. Ќе дува засилен југоисточен ветер. Минималната температура ќе се спушти до 6, а максималната ќе достигне 21 степен.
Слично време, односно променливо облачно и потопло, во утринските часови со локален дожд, ќе биде и во останатиот дел од Македонија.
Попладне ќе биде нестабилно, претежно во западните делови со краткотраен пороен дожд и грмежи. Ќе дува засилен југоисточен ветер (со брзина и над 70 км/час). Минималната температура ќе биде во интервал од 3 до 8, а максималната ќе достигне од 17 до 21 Целзиусов степен.
В сабота претпладне ќе има услови за локален дожд, а потоа следува сончево време со мала до умерена облачност и значително потопло, со температури кои од недела на повеќе места ќе надминат 25 степени.
