Савевски: Горд сум на овие девојки кои одиграа со срце

Селекторот на женската ракометна репрезентација Љубомир Савевски на официјалната прес-конференција издвои пофалби за нашата игра и залагање.

– Среќен сум што покажавме добар ракомет во првиот дел и до средината на вториот дел. Имавме само 23 гола од 54 удари, што покажува дека имавме лоша ефикасност. Но, кога играте со срце нема што да се замери на девојките. Мора да внесеме 200% од нашите можности против вакви противници.Свесен сум дека ме критикуваат за внесувањето на неколку кадетки, но тоа се квалитетни девојчиња и во иднина ќе бидат подобри. Сепак, немавме енергија за сите шеесет минути. Се обидов со неколку измени, но тоа не е истото ниво. Ни падна и моралот, го загубивме и ритамот кога промашивме путеви од шест метри, зицери… Немавме идеја со десничар на позиција десен бек, но тоа не функционираше. Се обидовбме со Кипријановска, но и тоа не функционираше.

Не сум многу разочаран, наидовме на тешка група и ќе беше поинаку ако имавме друг тип на противници во групата. Но, сега мора да се осврнеме на квалификациите за Светското првенство во април, да направиме мали корекции и да бидеме уште подобри“, заврши селекторот Савевски.

Претходна вестСега ли дури видоа дека регулативата за избор на обвинител треба да се доработува?
Следна вестТројца фанови на Шкупи приведени по големиот инцидент на „Чаир“