Од СДСМ порачаа дека очекуваат надлежните институции, вклучително и јавниот обвинител Љупчо Савески, да ги истражат, како што велат, „бизнис шемите“ поврзани со премиерот Христијан Мицкоски.
Од партијата наведуваат дека антикорупцискиот тим веќе изнесувал информации во јавноста за наводна мрежа на блиски лица поставени на клучни позиции, особено во енергетскиот сектор. Според нив, станува збор за систем кој, како што тврдат, функционира преку поврзани интереси и влијанија.
СДСМ оценува дека институциите треба да постапат и да утврдат дали постојат основи за понатамошна истрага, нагласувајќи дека транспарентноста и отчетноста се клучни за довербата на граѓаните.
Воедно, од партијата посочуваат дека очекуваат правдата да важи подеднакво за сите, без разлика на функцијата, и повикаа на темелно расчистување на сите сомнежи.
