Денеска е денот на доделувањето на наградата „Книжевен жезол“ во рамки на поетската манифестација „Празник на липите“. Локацијата е домот на културата „Кочо Рацин“, а времето на почеток 20:30 часот.
Организаторите, „Друштвото на писателите на Македонија“, најавија дека годинава добитници се македонскиот поет Иван Џепароски и српскиот поет Душан Стојковиќ. Присутните ќе добијат примерок од повеќејазичната збирка поезија од двајцата лауреати, специјално подготвена за оваа манифестација.
Во вториот дел од манифестацијата ќе се чита поезијата пристигната на Конкурсот за најдобра песна на „Празник на липите 2021“, по што ќе биде соопштена и победничката песна.