ВМРО-ДПМНЕ: Поради неспособноста на владата граѓаните се во неизвесност дали ќе има греење

Од ВМРО-ДПМНЕ велат дека поради неспособноста на владата граѓаните плаќаат повисоки сметки за парно и се во неизвесност дали ќе има греење.

Владата, сметаат од таму, не испреговара евтини цени за гасот кога тоа го правеа сите држави од регионот и светот.Оценуваат дека Македонија плаќа најскап гас.

„Хаварија е и во снабдувањето со струја. Во РЕК не се копаше јаглен и се донесовме во ситуација како држава среде зима да немаме резерви ниту за две недели, па мораше да се купува скап јаглен и скапа струја. Неспособноста на владата резултира со поскапи сметки за парно и за струја за најмалку 1500 денари по домаќинство“, истакнуваат од ВМРО-ДПМНЕ.

Според опозициската партија, Владата на СДСМ, како што велат, не може да ја извади државата од енергетска криза. Додаваат дека се потребни предвремени парламентарни избори час поскоро.

 

 

Претходна вестКазни за 192 возачи во Скопје, 37 за брзо возење
Следна вестЕСМ: Во моментов работат два блока на РЕК, за третиот се чека мислење на стручни лица