Податоците покажуваат дека клиентите неодамна повлекле речиси 100 милијарди долари депозити од американските банки, но регулаторите сепак ја уверуваат јавноста дека банкарскиот систем на САД е безбеден. Американскиот министер за финансии Џенет Јелен, претседателот на Федералните резерви Џером Пауел и повеќе од десетина други свикаа специјален затворен состанок на Советот за надзор на финансиската стабилност во петокот.
-Панелот разговараше за актуелните предизвици во банкарскиот сектор и истакна дека, иако некои институции се под стрес, банкарскиот систем на САД останува здрав и издржлив, се вели во соопштението кое го пренесува „Макфакс“.
На панелот, исто така, се разговараше за тековните напори на агенциите членки за следење на финансиските трендови.
Инаку, податоците покажуваат дека најголем дел од повлечените пари биле од малите банки. Големите институции забележаа раст на депозитите за 67 милијарди долари, додека помалите банки забележаа одлив од 120 милијарди долари.
