Албанскиот парламент на денешната седница го ратификува договорот за заеднички контроли на граничните премини со Македонија.
Тоа подразбира заеднички гранични контроли по истиот модел како што Албанија има со Косово и Црна Гора, а Македонија засега со Србија.
Долж македонско албанската граница функционираат граничните премини Блато и Џепиште (кој е од локален карактер и веќе функционира заедничка контрола) кај Дебар, Ќафасан кај Струга, Стење кај Ресен и Свети Наум кај Охрид.
На сите шест гранични премини ќе има само еден контролен шалтер.
Целта е да се олесни движењето на луѓе и стока, да се зголеми соработката во исполнувањето на заедничките безбедносни интереси и брзата размена на информации, да се зајакне професионалниот капацитет на службениците на граничната полиција и да се контролира квалитетот на спроведувањето на законот за граничната контрола.
