На клиниката за гинекологија почина 34-годишна родилка, од ГАК велат дека направиле се за да се спречи трагедијата

Скопската клиника за гинекологија и акушерство ја информираше јавноста за деталите околу починувањето на 34-годишна пациентка.

Од таму велат дека пациентката била примена на Клиниката на 27 февруари и било направено породување со царски рез, поради претходно извршени 3 царски реза, а операцијата поминала добро.

Појаснуваат и дека по операцијата пациентката се пожалила на силна градна болка по што веднаш била направена реанимација, a кај родилката биле вратени сите витални параметри.

Но и покрај комплетната грижа, појаснуваат од Клиниката, жената во неделата починала на интензивната нега.