Се повеќе држави од Европа ги кратат мерките за борба против Ковид-19. Македонските здравствени власти чекаат.
Независните медицински експерти од Македонија опоменуваат дека голем дел од мерките се нелогишни, па дури и контрапродуктивни. Се бара и учинување на сертификатите.
Најново барање за укинување на сертификатите упати микробиологот д-р Никола Пановски во емисијата „Во Центар“ каде побара тие итно да се укинат откако прецизираше дека во време на омикрон сојот нема никаква разлика помеѓу вакцинираните и невакцинираните. Тој изнесе и факти за тоа колку починати лица имало меѓу заразените граѓаните кои претходно природно го прележале корона вирусот и меѓу оние кои биле вакцинирани.
-По правило, би требало прележаните да се позаштитени од вакцинираните. Природен имунитет, кај нас сега последно кажаа дека 13 прележани починале. Од сите прележани, а невакцинирани, досега се починати 13, а некои од нив прележале пред две години. Од вакцинираните, бројот на починати е некаде околу 1.000. И сега некој кажува, министерот Филипче кажа, па го натера и премиерот, нашите врвни стручњаци ни кажаа дека вакцината е многу подобра од природниот имунинет. И тоа го кажуваа и нас не множеа со нула и светот го множеа со нула, кажа Пановски.
Инаку, тој уште во декември минатата година побара Македонија да биде прва земја која ќе ги укине сертификатите за примените вакцини.
-Сертификатите никогаш не требаше да се донесат, не треба веќе да ги малтретираат луѓето и да им забрануваат движење. Сега е веќе крајно време да се стори тоа. Факт е дека и вакцинираните лица го шират вирусот. Во Австралија, во Сиднеј, каде има 87 проценти вакцинирани со две дози имаат екплозија на ширењето на вирусот и покрај сите преземени мерки. Каква врска имаат тогаш сертификатите, изјави тогаш Пановски.
Вчера и епидемиологот Драган Даниловски изјави дека ковид-сертификатите треба да се укинат.
-Знаеме дека вакцините не штитат од заразувањето, а посебно што цвета бизнисот со фалсификати. Неприфатливо е што со стручно-неисправна и бесмислена мерка да се инсистира да се зголеми опфатот со вакцинација. Тоа е бесмислено, потенцира Даниловски.
Надлежните од Комисијата за заразни заболувања упорно одбиваат да ги укинат сертификатите наведувајќи дека тие се уште се потребни за да се спречело наглото ширење на корона вирусот.
