Детската балетска претстава Петар Пан по долго време повторно ќе биде дел од реперторот на Националната опера и балет во Скопје. Претставата во режија и кореографија на Ирена Лозинска премиерно ќе биде изведена на 31 март.
Сценариото и сонговите за претставата ги напиша Ристо Самарџиев, за костимографијата беше задолжена Елена Вангеловска, а сценографијата е на Љупчо Јованов. Музиката е на Владимир Дојчиновски –Дојчин, а продукцијата на М-Соунд.
Во музичко балетскиот спектакл ќе учествуваат и 56 деца од балетско студио „Арт балет“, заедно со Веселин Трајковски и Ницолас Алехандре Хоурсеау, гостите при балетскиот ансамбл.
Претстава за „Петар Пан“ момчето што не сака да порасне ќе биде изведена на последниот ден од месец март во НОБ од 17:30 и 20 часот.