Дури пет дена по почетокот на Новата 2024 година во Гинеколошко-акушерското одделение на ЈЗУ Општа болница Велес денеска во 12,30 часот се роди првото бебе. Тоа е машко бебе тешко 3.280 грама на мајката Ивана Јакимовска од село Пеширово, светиниколско на кое и е трето дете.
Како што информира за МИА Марина Андова, портпарол на ЈЗУ Општа болница Велес, и мајката и бебето се во добра здравствена состојба. Породувањето на мајката по природен пат, го извршил тим од лекари гинеколози д-р Аристотел Тренчев и д-р Силвија Богоевска, заедно со сестри акушерки од одделението.
Инаку, лани во велешката болница се родиле 294 бебиња, освен од Велес и Велешко и од неколку соседни општини. Споредено со претходната 2022 година, во 2023 година се родиле за 89 бебиња помалку.
