Ревизија во општина Илинден: Капитални објекти се граделе без потребните дозволи и уредна градежна документација

Низа неправилности и неусогласености во работењето на Општина Илинден во 2024 година откри Државниот завод за ревизија при ревизијата на финансиските извештаи.

Ревизорскиот извештај открива дека не е извршено соодветно евидентирање на имотот на општина Илинден и не се преземени активности за запишување на правото на сопственост. Изградбата на локални патишта и улици е без одобрение за градење, реконструкцијата на инфраструктурните објекти е без проектна документација, а распределбата на средствата за култура и спорт не е извршена на транспарентен начин.

ДЗР утврди имало неправилности во пресметката на платите за административни службеници и во делот на јавните набавки, за што се издадени соодветни препорака до Општина Илинден.