Полицијата соопштува дека и вчера правела контроли по скопските сообраќајници. При тоа биле изречени вкупно 195 казни, меѓу кои за возење над дозволената брзина 32 санкции, 12 мерки за возење без возачка дозвола, 50 санкции за прекршоци што ги прават возачите на мотоцикли.
Изречени биле 10 мерки за нерегистрирани возила, шест санкции за минување на затворен сигнал (црвено светло), пет мерки за користење мобилен телефон.
Дали овие казни ќе бидат опоменителни за сите учесници во сообраќајот? Слични бројки имаше и минативе денови, а ако се застане на било која крстосница ќе се види дека има многумина кои возат по „свои“ правила.
