Романската Влада ангажираше специјален советник со вештачка интелигенција – „ВИ“. Новиот член на Кабинетот на премиерот има длабок глас, задолжен е за дешифрирање на социјалните мрежи и се вика „ИОН“.
– Би сакал да ја почнеме средбата со изненадување! Ова е првпат една влада да одржи состанок со советник што има вештачка интелигенција – „ИОН“, свечено изјави премиерот Николае Чука, покажувајќи кон светлосиниот екран налево.
Оваа алатка со „ВИ“ е развиена од истражувачи од неколку универзитети. Инаку, Романија важи за „Силиконската долина на Источна Европа“. Задачата на новата програма е да ја информира Владата „во реално време“ за предлозите и желбите на Романците, како што рече Чука, со особен осврт на анализа на виралните објави на интернет.
По општиот вовед за министрите, екранот оживеа: „Добар ден, ми вдахнавте живот и отсега ќе ги претставувам Романците, како огледало. Што треба да знам за Романија?“
– Романија е прекрасна земја во која живеат убави луѓе, одговори Николае Чука.
Toj cмета оти примената на „ВИ“ не е опција, туку услов за донесување одлуки врз основа на правилни информации. Граѓаните ќе можат да разговараат со овој нов вид помошници на посебна интернет-страница.
