Екипите на ЈП „Улици и патишта“ во текот на изминативе неколку дена вршат санација на плочникот кај споменикот Гоце Делчев и на платото пред фонтаната во Градскиот парк, информира денеска Градот Скопје
Санирањето опфаќа замена на оштетените плочи околу постаментот на споменикот, санација на скалите, а во тек е и замена на оштетените плочи околу фонтаната „Лотосов Цвет”, како и целосно средување на оштетените делови од плочникот.
-Активностите за санација на плочникот во овој дел од Градскиот парк продолжуваат и во наредниве денови, се наведува во информацијата до јавноста.
Добро е, навистина, што на градските власти им текна дека е време да се санираа полочникот кој долго време беше оштетен. За жал, сето тоа е последица од неодговорниот однос на граѓаните. Но, исто така, би било добро сегашната акција и санација да се продолжи и да го опфати чистењето на смаиот споменик на македонскиот револуционер. И тој долго време стои ишаран со разни чкртаници од несовесните граѓани. Од време на време, некои граѓани и подмладоци на политички партии ќе иницираат чистење, но сето тоа е со кус век. Оттаму, нешто трајно треба да се смени во грижата за споменикот на најголемиот македонски револуционер…