Хаосот со наметнатото менување на личните документи во Македонија се засилува. Поради ова многу граѓани веќе најавуваат дека сакаат да ја тужат државата.
Од друга страна, пензионираниот професор по административно право, Борче Давитковски смета дека оној што нарачувал обрасци за лични документи во 2019 година со старото уставно име, веднаш треба да биде повикан во обвинителството да даде отчет.
– Според мене, јавниот обвинител уште денеска треба да го повика оној кој што во 2019 година нарачувал стари обрасци кои што беа во употреба до 2021 година. И сега на крај, тогаш кога се велеше дека ќе продолжат да важат, а се знаеше дека нема да важат, бидејќи тоа е меѓународен договор, тој треба да биде повикан од јавниот обвинител и да даде отчет, бидејќи на овој начин се кршат многу правата на граѓаните. И тоа уставно загарантирани права, истакна Давитковски во изјава за Телма ТВ.
