Царинската управа денеска ќе го промовира Системот за податочен склад и анализа на ризик, кој е реализиран со финансиска поддршка од Република Кореја во вредност од 4,75 милиони долари.
Системот ќе биде претставен на прес-конференција во просториите на Царинската управа во Скопје, на која ќе се обратат директорот на Царинската управа Бобан Николовски и директорот на Царинскиот сервис на Република Кореја, Ли Мијонг Ку.
Како што информираат од Царинската управа, прес-конференцијата ќе се одржи по завршувањето на состанокот на високо ниво, на кој ќе присуствуваат претставници на државните институции од двете земји.
Новосоздадениот систем има за цел унапредување на анализата на ризици, подобра обработка на податоци и зајакнување на ефикасноста во работењето на царинските служби.
