Во петок, на 22 јануари, со почеток во 20 часот ќе се одржи гала оперски концерт односно балетска претстава насловена како „Болеро“ на Морис Равел во кореографија на Саша Евтимова. Во рамки на концертот настапуваат солисти и оркестарот на МОБ под диригентската палка на Бисера Чадловска.
Балетскиот дел од претставата е направен според препораките на Комисијата за заразни болести. Тоа е балет под маски, без допир и на дистанца.
-Настанот ќе се одржи според протоколите предвидени со моменталната состојба предизвикана од пандемијата Ковид-19 за одржување настани, одобрени од Комисијата за заразни болести. Задолжително е носење на заштитна маска.
Ве молиме, почитувајте ги мерките за заштита, апелираат од МОБ.
