Предлог-закон за драстично намалување на патните трошоци на пратениците поднесоа денеска до собрансикиот спикер пратениците на Левица, Димитар Апасиев и Борислав Крмов.
-Со законот, се предлага четирикратно намалување на досегашните патни трошоци – од 20 отсто на 5 проценти од продажната цена на литар гориво за изминат километар – што, практично, значи дека патните трошоци се сведуваат реалната цена на чинење на патен билет во меѓуградски превоз, информира денеска Димитар Апасиев
Овој предлог-закон е плод на широка компаративно-правна анализа на регулативите на земјите од ЕУ и Западен Балкан.
-Таа анализа во изминативе неколку месеци ја спроведе нашиот правен тим, а од која само ни се потврди ноторниот факт дека Република Македонија, за еден мандатен период на Собранието, е рекордер во Југоисточна Европа по потрошените јавни пари за патни трошоци на парламентарците, потенцира Апасиев.
