Жител на прилепското село Небрегово загинал во сообраќајна несреќа што се случила вчера, соопшти полицијата.
МВР информира дека вчера, во 17 часот, во ОВР Прилеп било пријавено дека во с. Небрегово, Прилепско, Ѓ. М. (54) од с. Небрегово, додека управувал мопед „томос“, без регистарски таблички, изгубил контрола над него и паднал.
-Во несреќата на местото на настанот починал возачот, а смрт била констатирана од страна на лекар од Итната медицинска помош – Прилеп, се наведува во информацијата.
Извршен бил увид од екипа на ОВР Прилеп.
