Облаците ќе го кријат сонцето, ќе дува умерен ветер

Во Скопје денеска во претпладневните часови ќе променливо облачно време, а во текот на денот облачноста ќе се намалува.

Ќе дува умерен, повремено засилен северен ветер.

Максималната температура ќе достигне до 14 степени.

Во останатите подрачја од Македонија времето денеска претпладне ќе биде променливо облачно, во јужните делови со услови за повремен слаб дожд.

Во текот на денот облачноста делумно ќе се намали. Ќе дува умерен, вдолж Повардарието повремено засилен ветер од северен правец. Максималната температура ќе достигне од 10 до 17 степени.