Претежно облачно со повремен дожд

На скопското подрачје денеска се очекува претежно облачно време со повремен дожд попладне и во вечерните часови. Ќе дува умерен јужен ветер, а утринската температура ќе биде околу 13, а дневната ќе достигне до 23 степени.

И на подрачјето на целата земја ќе биде претежно облачно со повремени врнежи од дожд особено попладне и во вечерните часови. Утринската температура ќе биде во интервал од 8 до 16, а дневната од 17 до 28 Целзиусови степени.

Во четврток ќе има локален дожд, претежно во западните делови на Македонија, а ќе дува засилен северозападен ветер, кој ќе услови значително опаѓање на дневните температури. Потоа во наредните денови времето ќе биде стабилно со ниски утрински температури, а дневните ќе бидат во постепен благ пораст.

Претходна вест„Поле за игра“ во четврток во Македонска филхармонија
Следна вестПриведени двајца скопјани кои нападнале полицаец на „Партизанска“