Претседателот на Црна Гора, Мило Ѓукановиќденеска го распушти Парламентот на Црна Гора, објави Vijesti.
Претседателот на Црна Гора го доставил Указот за распуштање врз основа на член 92, точка 3 од Уставот на Црна Гора.
„Се распушта Парламентот на Црна Гора. Указот за распуштање на Парламентот на Црна Гора стапува во сила со денот на неговото усвојување. Оваа уредба ќе биде објавена во Службен весник на Црна Гора“, се наведува во декретот.
Според информациите на „Вијести“, дел од правниот тим на Ѓукановиќ му предложил да го распушти парламентот и да распише избори доколку до денеска не се конституира нова влада.
Предвремените парламентарни избори би можеле да се одржат на крајот на мај или почетокот на јуни, неофицијално дознава „Вијести“.
На актуелната влада и беше изгласана недоверба пред седум месеци. Оттогаш пропаднаа неколку обиди да се избере нова.
Согласно Уставот, Собранието се распушта доколку не се избере влада во рок од три месеци од кога претседателот за првпат ќе предложи мандат.
