Курти им честита на лидерите на Вреди: За првпат албанска опозиција освои над 100 илјади гласови

Косовскиот премиер и лидер на Движењето Самоопределување, Аљбин Курти вчера ги примил лидерите на коалицијата Вреди. На средбата им честитал за изборниот резултат во Македонија, нагласувајќи дека за првпат албанска опозиција освоила над 100 илјади гласови.

Средбата, според кабинетот на Курти, минала во духот на срдечната соработка, имајќи предвид дека „Албанците на Балканот се фактор за поддршка на демократизацијата, европските интеграции, евроатлантскиот мир, безбедноста и стабилноста“. Се разговарало за прашања од значење за Албанците во Македонија, но и за меѓудржавните односи, како и за други важни прашања.

На средбата кај Курти биле Билал Касами, Арбен Таравари, Изет Меџит и Африм Гаши, кои со фотографии и кус текст информираат за средбата и содржината на разговорите.

„Плодна средба со премиерот на Република Косово, г-дин Албин Курти, во Приштина.
Ја изразивме подготвеноста да продолжиме и дополнително да ја продлабочиме нашата вредна соработка. За нас останува загрижувачко руското и српското влијание кое се јавува преку корумпирани и криминални мрежи.

Наш приоритет ќе биде економската соработка меѓу нашите земји и завршувањето на инфраструктурните проекти што ги поврзуваат нашите земји што е можно побрзо.
Ние како Албанци сме важна сила која промовира регионален мир, стабилност и соработка“, информираат лидерите на Вреди.

Инаку, Самоопрелување на Курти преку свои претставници со македонско државјанство е дел од коалицијата Вреди, како „четврти столб“, како што велат од коалицијата, односно, учествуваше на македонските избори.

Претходна вест71-годишен пензиониран кувар кој работел за дневница на прослава е загинатиот во лифт
Следна вестСо дронови се бара хеликоптерот на иранскиот претседател Раиси