Екипи од ЈП Улици и патишта интервенират во расчистување на разрушениот потпорен ѕид на булеварот Борис Трајковски на семафорите во скопската населба Пинтија.
Се работи за разрушен потпорен ѕид во должина од над 30-тина метри, а причина за негово оштетување е поројниот дожд кој го зафати Скопје.
„Се работи на отстранување на градежниот шут кој е настанат како последица на разрушувањето на потпорниот ѕид, за истиот да не преставува опасност при движењето на возилата“, велат од Град Скопје.
Дежурните екипи се на терен и вршат и контрола на светлосната сигнализација, се врши увид во потенцијални дефекти и нивна санација.