Барање на поткуп од 2.000 евра е причина за приведување на полициски службеник синоќа во Куманово.
МВР соопшти дека полициски службеници од Одделот за криминалистичка полиција-Сектор за економски криминал и корупција вчера околу 18 часот во Куманово го лишија од слобода полицискиот службеник И.С. поради постоење на основано сомнение дека сторил кривично дело-примање поткуп по член 357 , примање награда за противзаконито влијание по член 359, и злоупотреба на службената положба и овластување по член 353 од КЗ.
– И.С.од правно лице од Куманово побарал пари за наводно да сопре наводна истрага против правното лице, при тоа повикувајќи се на наводна блискост со високи полициски функционери. Сопственикот на правното лице го пријавил случајот во МВР по што биле преземени соодветни мерки и активности. Во простории на правно лице тој на И.С. му дал претходно технички обработени 2000 евра, а откако ги земал парите И.С. е приведен, се наведува во соопштението.
