Силното невреме ги направи реки велешките улици

Силен дожд со град попладнево околу 14 часот го зафати Велес. Велешките главни и споредни улици во ниските делови од градот беа поплавени со вода поради високата конфигурација на градот и нерешената атмосферска канализација. Движењето на сообраќајот по главните улици беше отежнато, а посебно на пешаците кои не можеа да ги преминат улиците од едната на другата страна.

Од Центарот за справување со кризи за МИА информираат дека засега нема пријавено штети од невремето. Земјоделски стручњаци појаснуваат дека поради силниот град очекуваат пријави од земјоделците за оштети на родот од градинарски култури и овошни дрвца.

Претходна вестАнкета: ВМРО-ДПМНЕ со рејтинг од 17 отсто, СДСМ со 12 проценти
Следна вестСпасовски: Во изминативе денови нема дојави за бомби низ училиштата