Утринското сонце го најавува сончевиот ден во Скопје. Метеоролозите велат дека претпладне сончево време ќе биде пропратено со мала до умерена облачност, од пладне облачноста ќе се намали. Ќе дува умерен до засилен северен ветер. Минималната температура ќе се спушти до 2, а максималната ќе достигне до 13 степени.
И во останатите делови од Македонија времето денеска ќе биде сончево со мала до умерена облачност во претпладневните часови. Од пладне облачноста ќе се намали и преку денот времето ќе биде сончево и посвежо. Ќе дува умерен, а вдолж Повардарието повремено засилен северен ветер.
Минималната температура ќе биде во интервал од -2 до 5, а максималната ќе достигне од 9 до 15 степени.
Во следните денови ќе преовладува сончево време со мала до умерена локална облачност. Утре и во понеделник ќе дува умерен, долж Повардарието повремено засилен северен ветер што ќе предизвика опаѓање на дневните температури за 7 до 10 степени. Утринските температури од понеделник на повеќе места ќе се спуштат под нулата, а дневните од среда ќе бидат во постепен пораст.
