Еурофарм Пелистер се пофалија дека потпишале тригодишен договор со супер талентираниот голман Марко Кизиќ кој по крајот на актуелната сезона се се сели во битолскиот прволигаш.
– Младиот голман на македонската репрезентација, Марко Кизиќ, е нов ракометар на Еурофарм Пелистер за периодот од јуни 2021 до јуни 2024 година. 20-годишниот Кизиќ потпиша договор со битолскиот клуб и ќе ја зголеми конкуренцијата на голманската позиција, соопшти Еурофарм Пелистер.
Кизиќ, роден скопјанец, е дете на Вардар. Висок е 190 сантиметри, а тежок 89 килограми. Веќе има настапи за сениорската репррезентација на Македонија за која дебитираше уште во 2019 година, а има искуство и од Лигата на шампионите и СЕХА лихата играјќи за „Црвено-црните“.
