Во последното деноноќие во Скопје се хоспитализирани тројца нови пациенти поради компликации од ковид-19, а исто толку се излекувани и се пуштени дома.
Со тоа вкупната бројка на пациенти кои се лекуваат во болниците низ државата изнесува 121. Од нив, 48 се во ковид-центрите во главниот град, а останатите 73 се во болниците во внатрешноста.
Бројот на слободни кревети, пак, е околу 500.
Во Скопје повеќе од половина од пациентите или 28 се на Инфективната клиника. Во Градската општа болница „8 Септември“ има 15, а на Институтот за ТБЦ 5.
Извештаите од болниците во другите градови покажуваат дека има по неколку пациенти.
Единствено двоцифрени бројки на хоспитализирани има во кумановската – 15 и велешката болница – 11.
Во болницата во Струмица се лекуваат 9 пациенти, Гостивар 8, Битола и Охрид по 7, Штип 5, Струга 4, Прилеп 3, а во Тетово и Кичево по 2. Во Кавадарци и Гевгелија нема хоспитализирани пациенти.