Осум скопски општини со повеќе од 100 лица заразени од вирусот, најмногу во Чаир 421

Од вкупно десет скопски општини во дури осум има повеќе од сто активно случаи на корона вирусот, покажуваат податоците на Министерството за здравство. Според нив, заклучно со вчера општина Чаир е со најмногу заразени – вкупно 421 што е за пет пациенти повеќе отколку во претходниот ден. На подрачјето на Скопје инаку, има 1.862 заразени од вирусот.

По Чаир, најмногу заразени има на подрачјето на Гази Баба – 149 што е за два помалку отколку во средата. Во Аеродром активно случаи се 143 граѓани, а во Сарај и во Бутел по 139. Благо зголемување од двајца новозаболени има во Центар каде вчера бројката стаса до 125 болни, исто колку што има и во Карпош. На територијата на Кисела Вода се евидентирани 107 заболени, а во Ѓорче Петров – 88.

Во Студеничани има 95, Шуто Оризари – 76, Арачиново – 53, Илинден – 30, Петровец – 18, Чучер Сандево – 17, Сопиште – 12, Зелениково-2, Странец – 3 и Нераспределен-5.