Пешак е прегазен во Скопје, а возачот на возилото избегал од местото на несреќата, информира денеска МВР.
Во соопштението се наведува дека вчера во 17.45 часот во СВР Скопје било пријавено дека на бул.„Македонско- косовска бригада“ во Скопје, патничко возило „фолксваген голф“ удрило во пешакот А.А.(36) од Скопје и го напуштило местото на несреќата.
-Пешакот се здобил со тешки телесни повреди, констатирани во Комплексот клиники „Мајка Тереза“. Извршен бил увид од увидна екипа од СВР Скопје и се работи на расчистување на случајот, се наведува во информацијата.