Малолетник нападнал жена, таа паднала и тешко се повредила

Малолетник од Тетово нападнал 34-годишна тетовка. Тој се нафрлил врз неа поради што таа паднала и се здобила со тешки повреди.

– Синоќа на улицата Браќа Миладинови во Тетово, полициски службеници привеле малолетник од Тетово. Тинејџерот бил пријавен од 34-годишна тетовка дека околу 17 часот во влезот од станбената зграда во која живеела, се нафрлил на неа, поради што таа паднала и се здобила со тешки телесни повреди, информираат од МВР.

Детето е предадено на претставник од Центарот за социјални работи, по што било префрлен во соодветна установа во Скопје. Случајот се расчистува и документира.