Двајца починати како последица од Ковид 19 и 693 новорегистрирани случаи на вирусот – ова е билансот од последното деноноќие, според податоците од Институтот за јавно здравје.
И двајцата починати се на 77-годишна возраст, едниот од Богданци а другиот од Скопје. Најмногу од наворегистрираните случаи се во главниот град.
Бројот на оздравени според последниот извештај од Институтот е поголем од заразените и изнесува 827.