Едно лице е загинато во сообраќајна несреќа што се случила синоќа на улицата „Партизански пат“ во Врање. Според неофицијални информации на српските медиуми автомобилот со регистерски таблици од Македонија излетал од патот и удрил во насипот. Во информациите се наведува дека се работи за македонски државјанин стар 25 години, а којшто заедно со пријателите се враќал дома.
Неофицијално се пишува дека лицата го згрешиле патот кон Македонија и се упатиле кон Златокоп, но потоа се сетиле дека го заборавиле мобилниот телефон во кафеаната во центарот на градот, каде што претходно престојувале и се вратиле назад, по што се случила несреќата. Автомобилот од непозната причина излетал од патот и удрил во рабник. Истрагата е во тек.
Од полицијата велат дека се уште не се познати околностите, но потврдено е дека истрагата е во тек. Еден пациент е згрижен на Итна медицинска помош, дијагностиката е во тек.
