188 казни за непрописно паркирање за само една недела и тоа само во Општина Центар – ова е збирната бројка што ја објави ЈП Паркинзи на Општина Центар, за седмицата што измина.
Објаснуваат дека во периодот од 08.08. до 14.08., со пајак биле отстранети 104 возила, а со блокатор казнети 84 возачи. Вторите биле паркирани на места каде што може само резидентно население, а тие не се станари.
ПОЦ предупредуваат дека нема да престанат со казнувања се додека не се воведе ред како во сообраќајниот хаос, така и во непрописното паркирање на нерезидентно население.
